Azərbaycan, Bakı, 06 oktyabr/ Trend , müxbir S.Babayeva/Yanvar-iyunda Naxçıvan Muxtar Respublikasına (NMR) yatırılan sərmayələr ötən ilin analoji dövrü ilə müqayisədə 31,8 faiz artaraq, 162 mln.manat təşkil edib, - NMR-in Bakıdakı daimi nümayəndəliyindən bildiriblər.
Səkkiz ay ərzində Muxtar Respublikann tikinti şirkətləri 129 mln.manat dəyərində iş görüblər ki, bu da 2007-ci ilin yanvar-avqust göstəricilərini 36 faiz ötüb. Tikinti sektoruna yatırılan sərmayələrin həcmi NMR-ə yatırılmış bütün sərmayələrin 88,9 faizini təşkil edir.
Bu sərmayələrdən 18 mln.manat yeni tikililərdə işlərin yerinə yetirilməsinə, 27 mln.manat ümumi təmirə, 7,7 mln.manat cari təmirə, 5,7 min manat digər tikinti işlərinə yönəldilib.
Oktyabrın 6 - na cari valyuta məzənnəsi 0,8101 AZN/USD-dır.
