Azərbaycan, Bakı, 18 oktyabr/ Trend , müxbir Ü.İsmayılova/ Sentyabrda Bakının torpaq bazarında orta qiymət avqusta nisbətdə 0,4 faiz - bir sotu 25,1 min dollaradək artıb, - şənbə günü "Əmlak Bazarı İştirakçıları"İctimai Birliyindən bildiriblər.
Sentyabrda Bakıda ən bahalı torpaq sahəsi, bir sotu 425 min dollara, paytaxtın Nərimanov rayonunda, ən ucuz isə, Abşeron rayonunda - bir sotu 400 dollara təklif edilib.
Ötən aylarla müqayisədə, nisbi artım Bakının Suraxanı ( 6,3 faiz) və Nizami rayonlarında (4,5 faiz) müşahidə edilib.
