Azərbaycan, Bakı, 21 oktyabr/ Trend , müxbir E.İsmayılov/ Rusiyanın "Aeroflot" aviaşirkəti qış qrafikinə keçidlə əlaqədar, oktyabrın 26 - dan Moskva - Bakı - Moskva reyslərinin qrafikinə dəyişikliklər edir, - aviaşirkətdən çərşənbə axşamı bildiriblər.
Hazırda şirkət Moskva - Bakı - Moskva reyslərini gündə iki dəfə Bakı vaxtı ilə saat 05:50 və 16:15- də həyata keçirir. Dəyişikliklərdən sonra, uçuşlar saat 06:00 və 16:50 - də həyata keçiriləcək, - şirkətdən bildiriblər.
Bir tərəfə biletlərin qiyməti 250 manat, hər iki tərəfə 450 manat təşkil edir.
Yeni rejim 2009 - cu il martın 28 - dək qüvvədə olacaq. Bu dövrdə "Aeroflot" dünyanın 47 ölkəsinə, o cümlədən 5 MDB dövlətinə (Azərbaycan, Ermənistan, Qırğızıstan, Ukrayna, Özbəkistan) uçuşlar həyata keçirəcək.
Aviaşirkət, yanacaq və maliyyə böhranı şəraitində qış cədvəli dövründə A 320 ailəsinin təyyarələrini (А 319, А 320, А 321) istismara buraxır və yanacaq sərfiyyatı çox olan Tu -154 hava gəmilərini parkdan çıxarır. Bu təyyarələrin biznes - klass salonu böyük olduğundan, onlardan çarter daşınmaları üçün istifadə ediləcək.
Müəlliflə əlaqə saxlamaq üçün elektron ünvan: [email protected]
