...

Əmək nazirliyinin rəhbərliyi Azərbaycanda turizm sahəsində ixtisaslı kadrların olmaması ilə bağlı problemi həll etməyə çağırır

Biznes və iqtisadiyyat xəbərləri Materials 29 Oktyabr 2008 04:33

Trend-i buradan izləyin

Azərbaycan, Bakı, 29 oktyabr/ Trend müxbir Ü.İsmayılova/ Azərbaycanın əmək və əhalinin sosial müdafisi nazirinin müavini Natiq Məmmədov hesab edir ki, .Azərbaycanda turizm sahəsində ixtisaslı kadrların yoxluğu iqtisadiyyatın bu sahəsinin zəif inkişafına səbəb olur.

Nazir müavini çərşənbə axşamı əmək nazirliyi nəzdində Baş Məşğulluq İdarəsi ilə Mədəniyyət və Turizm Nazirliyinin "Turizm sahəsində kadrların hazırlanması və onların işlə təminatı" mövzusunda birgə dəyirmi masasında bildirib ki, son illərdə Azərbaycanda turizmin inkişafına böyük diqqət yetirilir, lakin Bakıda və regionlarda müasir turizm obyektləri tikilsə də, bu obyektlərdə xidmətlər və servis yaxşı səviyyədə deyil.

Məmmədovun sözlərinə görə, problem əsasən turistlərin qidası sahəsində və yüksək ixtisaslı tənəzzöhçü, bələdçilərin yoxluğundadır. Bu isə turizmin inkişafının vacib meyarıdır.

Məmmədov vurğulayıb ki, bu problemlərin həlli üçün Baş Məşğulluq İdarəsi Mədəniyyət və Turizm Nazirliyinin Turizm Sektoru ilə birlikdə kurslar keçirəcək. Kurslar başa çatdıqdan sonra, mütəxəssislər sertifikatlar alacaqlar.

Nazir müavini bildirib ki, üç ildir Azərbaycanda mövcud olan turizm institutu yalnız bakalavrlar təhsili verir. Bunun kifayət etmədiyini qeyd edən Məmmədov deyib: "Axı turizm işində səyahətlərin təşkilatçısı və ya bələdçi kimi ali təhsilə ehtiyacı olan istiqamətlər var".

Dövlət Statistika Komitəsinin  məlumatlarına əsasən yanvar-iyun aylarında Azərbaycanda turizm şirkətlərinin sayı 5-dən 107-dək, turizm şirkətləri əməkdaşlarının sayı isə 331 nəfərdən 1,3 min nəfərədək artıb.

Birinci yarım il ərzində turizm şirkətləri 28,6 min turistə xidmət göstərib. Turistlərin 94,4 faizinə Bakıda, 2,8 faizinə Xaçmaz rayonunda, 1,5 faizinə Mingəçevirdə, 1,1 faizinə Naxçıvan Muxtar Respublikası, 0,2 faizinə ölkənin digər regionlarında xidmət göstərilib.

Müəlliflə əlaqə saxlamaq üçün elektron ünvan: [email protected]

Xəbər lenti

Xəbər lenti