Azərbaycan, Bakı, 11 noyabr/ Trend , müxbir Ü.İsmayılova/ Azərbaycan prezidenti yanında Qiymətli Kağızlar üzrə Dövlət Komitəsi MDB ölkələrinin qiymətli kağızlar bazarlarını nizamlayan dövlət orqanlarının rəhbərləri Şurasının VIII iclasında "Qiymətli kağızlar bazarının peşəkar iştirakçılarının lisenziyalaşdırılmasına yanaşmaya dair tövsiyələr" və "Qiymətli kağızlar bazarı üzərində nəzarətin aparılma prinsipləri üzrə tövsiyələr" təqdim edib.
Birlik ölkələrinin qiymətli kağızlar bazarlarına nəzarət edən dövlət orqanlarının rəhbərləri Şurası toplantıda Azərbaycanın tövsiyələrini qəbul edib.
İclas zamanı MDB ölkələrinin qiymətli kağızlar bazarlarına nəzarət edən dövlət orqanlarının əməkdaşlığı üzrə qərar qəbul olunub.
Toplantıda Şura üzvləri - Ukrayna, Moldova, Qırğızıstan, Rusiya, Qazaxıstan, Azərbaycan, Belarus, Tacikistan və Ermənistan iştirak edib. İştirakçılar öz ölkələrinin qiymətli kağızlar bazarlarının hazırkı vəziyyəti barədə məlumat veriblər.
MDB ölkələrinin qiymətli kağızlar bazarlarını nizamlayan dövlət orqanlarının rəhbərləri Şurasının VIII iclası noyabrın 5-6-da Almatıda keçirilib.
Məqalə müəllifi ilə əlaqə ünvanı - [email protected]
