Azərbaycan, Bakı, 18 noyabr / Trend müxbir İ.Xəlilova/ "Azərbaycan əhalisinin Əmanətlərinin Sığortalanması Fondu xaricdə vəsait yerləşdirilməsinə başlayıb və ilk depozitlər ABŞ - ın Federal Ehtiyat Sistemində (ADİF) gerçəkləşdirilib, - çərşənbə axşamı Fondun direktoru Azad Cavadov bildirib.
"İlk yerləşdirilmə bankların - təqvim ödəmələri Fondun üzvlərinin üçüncü rübün yekunları üzrə ödəməsindən sonra həyata keçirilib", - Cavadov deyib.
Üçüncü rübün yekunları üzrə ADİF - də 918 min manat, 911 min dollar və 153 min avro məbləğində təqvim ödəmələri sayılıb. Ümumilikdə rüb ərzində Fond əlavə 1312 min manat alıb. Sığorta Fondunun reyestrinə daxil olarkən birdəfəlik ödəmələr də (10 min manat) nəzərə alınmaqla, daxilolmaların ümumi həcmi 8897 min manat təşkil edir.
ADIF-in investisiya siyasətinə əsasən, onun vəsaitləri əcnəbi banklarda və "A" nüfuzlu maliyyə institutlarında yüksəknüfuzlu qiymətli kağızlarına yatırıla bilər.
"Müasir şəraitdə hətta yüksək gəlirlilik varsa belə, xarici qiymətli kağızlara vəsait yatırmaq təhlükəlidir və biz bu gün aparıcı xarici ölkələrin Mərkəzi Banklarında və dövlət qiymətli kağızlarında yerləşdirməni etibarlı sayaraq risk etmək istəmirik ", - Cavadov bildirib.
ADİF Fondun vəsaitlərini müstəqil idarə etməyə üstünlük verir. Onların əsas hissəsi (83 faizi) Azərbaycan Maliyyə Nazirliyinin manatla buraxılan dövlət qısamüddətli istiqrazlarında (DQİ) yerləşidrilib. DQİ üzrə yüksək gəlirliyə baxmayaraq, Fond paritetin qorunması zərurətilə əlaqədar, vəsaitləri ölkədən kənarda xarici valyutada idarəetməyə məcburdur, - ADİF rəhbəri bildirib.
DQŞ üzrə gəlirlilik dərəcəsi 9 faiz təşkil etdiyi halda böhranlı vəziyyət nəticəsində, FES -in uçot dərəcəsi illik 0,75 faizədək azalıb.
Bu gün Sığorta Fondundakı əmanətlərin əsas hissəsi manatla yerləşdirilib, üçüncü rübün yekunlarına əsasən, müvafiq olaraq, banklar təqvim ödəmələrinin həcminin 50 faizini manatla, 40 faizini dollarla və 10 faizini avro ilə gerçəkləşdiriblər. Cavadovun sözlərinə görə, bu nisbət milli valyutanın xeyrinə dəiyşsə də, Almaniyanın KfW Bankından 4 mln. avroluq kreditin alınması ilə nisbət bərabərləşəcək.
Fonda üzv banklarda (38 bank) fiziki şəxslərin əmanət portfeli 1608 mln. manat təşkil edir.
ADIF qoruduğu depozit portfelinin həcmini 7,7 faiz - 1,462 mlrd. manatadək artırıb. Bu, 37 üzvdən 2008 - ci ilin üçüncü rübünün təqvim ödəmələrinin yığılmasının yekunlaşması nəticəsində baş verib. Bu müddət ərzində qorunmayan əmanətlər 268 mln. manat artıb, Fondun sığortaladığı əmanətlər isə, 1462 manatadək artıb.
Gələcəkdə bank əmanətlərin artımıyla yığım limiti də artırıla bilər. əmnatəlrin illik artımı 40 - 60 faizdir.
Azərbaycan Milli Bankının noyabrın 18- nə olan rəsmi məzənnəsi 0,8094 AZN/USD təşkil edir.
Müəlliflə əlaqə ünvanı: [email protected]
