Azərbaycan, Bakı, 27 noyabr/ Trend , müxbir N.İsmayılova/ Azərbaycanın Region Consult şirkəti özəlləşdirilmiş müəssisələr üçün prioritet kimi istehsal, marketinq, hesabatlılıq, standartlaşdırmada beynəlxalq üsullara uyğunluq əsaslarının hazırlanmasını təklif edir, - Region Consult-un icraçı direktoru Tariyel Mirzəyev cümə axşamı bildirib.
Region Consult istehsal edilən məhsulların ixrac potensialı və rəqabətqabiliyyətliliyinin artırılmasında məsləhət xidmətləri göstərir. Məsləhətlər 12 özəlləşdirilmiş müəssisəyə təqdim edilir.
Məsləhətçi strateji tərəfdaşları müəyyən etməyi və birgə layihələr üçün məşhur markaları cəlb etməyi məsləhət görür.
Mirzəyevin sözlərinə görə, hazırda proqram müəssisələrə sərmayə - bank alətləri və məhsulları vasitəsilə strateji və maliyyə tərəfdaşlarının cəlb edilməsi üzrə məsləhətlərin verilməsi mərhələsinə keçir.
Müəssisələrin özəlləşdirmədənsonrakı fəaliyyətinə yardım göstərilməsi üzrə dövlət dəstəyi proqramı 2008 - ci ilin avqustunda başlayıb və cari ilin dekabrınadək davam edəcək.
Müəlliflə əlaqə saxlamaq üçün elektron ünvan: [email protected]
