Azərbaycanda avtomobillərin qiymətinin azalması mümkündür – ekspert

Azərbaycan, Bakı, 01 dekabr/ Trend , müxbir Ü.İsmayılova/ "Maliyyə böhranı ilə əlaqədar Bakının avtomobil satıcılarının gəlirləri 2000-3000 manatdan 500-1500 manatadək azalıb", - MBA Group Konsaltinq şirkətinin Baş direktoru Nüsrət İbrahimov bazar ertəsi bildirib.

Onun sözlərinə görə, belə tədbirlər avtomobil bazarında maşınların qiymətinin azalmasını gözləyən istehlakçıların ehtiyatlılığı ilə əlaqəli olan tələbatın azalması ilə bağlıdır. 

"Bazarda tələbat azaldığı üçün, yaxın iki-üç ayda Azərbaycana idxal olunan avtomobillərin qiymətinin azlaması mümkündür", - İbrahimov vurğulayıb.

"Əmlak Bazarı İştirakçılar" İctimai Birliyinin məlumatına görə, Bakıda avtomobil bazarında əvvəlcə daşınma ilə bağlı problemlər, sonra isə qanunsuz avtomobil satışı məntəqələrinin ləğvi ilə əlaqədar baş vermiş ikiaylıq azalmadan sonra  oktyabrda təkliflər sentyabrdakı 17,3 faizə qarşı 20 faizədək artıb.

Birliyin ekspertlərinin rəyinə görə, bazarın canlanması, ilk növbədə, mövsümi dövrlə bağlıdır. Bazarın canlanmasına baxmayaraq, bu, qiymətlərə təsir göstərməyib - əvvəlki iki ayda olduğu kimi, bazarda bir avtomobilin orta qiyməti 21 min dollardır.

Müəlliflə əlaqə saxlamaq üçün elektron ünvan: [email protected]