Azərbaycan, Bakı, 29 yanvar / Trend , müxbir İ.Xəlilova/
"2008-ci ilin nəticələrinə görə, Azərbaycan Əmanətlərinin Sığortalanması Fondu (ADIF) vasitəsilə qorunan depozit portfelinin həcmi 1,373 milyard manat olub", - cümə axşamı Fondun icraçı direktoru Azad Cavadov deyib. III rüblə müqayisədə, sığortalanan əmanətlər 6,09 faiz azalıb.
Təqvim ödəmələrinin həcminin azalması, dünya maliyyə böhranı ilə əlaqədar ölkə banklarına əmanət qoyuluşu səviyyəsinin azalmasıyla bağlıdır. Təqvim ödəmələrinin yığımı ADIF-in 38 üzvü tərəfindən həyata keçirilir.
Bu dövrdə qorunmayan əmanətlər 268 milyon manatdan 108 milyon manata qədər azalıb. Fond vasitəsilə sığortalanan əmanətlər 1 462 milyon manatdan 1 373 milyon manatadək azalıb.
Fiziki şəxslərin Fondun üzv banklarındakı əmanətlərinin həcmi 3-cü rübdəki 1,731 milyard manatdan 1 711 milyon manata düşüb.
Dördüncü rübün yekunlarına əsasən Fonda 869,714 min manat (üçüncü rübdə 918 min manat, ikinci rübdə - 961 min manat olub), 867,755 min dollar (911 min dollar, 1 072 min dollar) və 134,653 min avro (153 min avro, 159 min avro) təqvim ödəmələri köçürülüb. Ümumilikdə, fond rüb ərzində əlavə 1 717 min manat əldə edib.
Bankların ödədikləri birdəfəlik üzvlük haqqları (10 min manat) nəzərə alınmaqla, Sığorta Fonduna daxilolmaların ümumi həcmi 10 614 min manat təşkil edir.
Fond 2007-ci il avqustun 13-də fəaliyyətə başlayıb. 2008-ci ilin başlanğıcında o, maksimal sığortalan məbləği 6 min manata qədər artırıb. 2010-cu il yanvarın 1-də isə bu rəqəm səkkiz min manat təşkil edəcək. "Əmanətlərin sığortalanması haqqında" Qanuna görə, 2008-ci il yanvarın 1-dək Azərbaycanın Əmanətlərin Sığortalanması Fondundan 4 min manatadək əmanətlər tam qorunurdu.
Bununla yanaşı AMB-nin uçot dərəcəsindən 1,8 dəfə çox olan əmanətlər sığortalanmayacaq (bu gün səkkiz faiz təşkil etsə də, fevralın 2-dən bu rəqəm 5 faizə endiriləcək), yəni sığortalanan əmanət üzrə maksimal dərəcə 14,4 faiz təşkil edə bilər. (fevraldan təxminən doqquz faiz səviyyəsində olacaq). Banklar belə əmanəti qəbul edən zaman müştəriyə Sığorta Fondu tərəfindən qorunmanın olmaması barədə məlumatlandırmalıdırlar. Uçot dərəcəsinin azaldılması nəticəsində gələcəkdə Fond vasitəsilə sığortalanan əmanətlərin həcminin də azalacağını gözləmək olar.
Yanvarın 29-na olan cari mübadilə məzənnəsi -- 0,8058 AZN/USD təşkil edir.
Məqalə müəllifi ilə əlaqə ünvanı: [email protected]