...

Yanvarda Azərbaycanda ÜDM-in artım tempi azalıb

Biznes və iqtisadiyyat xəbərləri Materials 20 Fevral 2009 12:36 (UTC +04:00)

Trend-i buradan izləyin

Azərbaycan, Bakı, 20 fevral / Trend , N.İsmayılova/ "2009-cu ilin birinci ayı ərzində Azərbaycanda ÜDM ötən ilin analoji dövrünə nisbətən 2,6 faiz azalıb", - cümə axşamı Dövlət Statistika Komitəsindən məlumat verilib. Cari qiymətlərlə ÜDM 1 860 milyon manat təşkil edib. Adambaşına düşən ÜDM-in həcmi 19,6 faiz azalaraq 215,9 manat (268,9 dollar) olub.

İqtisadiyyatını bütün sahələrində ümumi məhsul istehsalının həcmi ümumi ÜDM-in 55,4 faizini təşkil edib ki, onun da əsas hissəsi - 46,8 faizi (872,7 milyon manat) sənayenin payına düşür. Xidmət sahəsinin ÜDM-dəki payı 34,6 faiz olub. Bu sahədə əlavə dəyər artımı ötən ilin analoji dövrü ilə müqayisədə 4,9 artıb. Məhsul və idxaldan xalis vergilər ÜDM-in 10 faizini təşkil edib.

Yanvarda kənd təsərüfatı, ovçuluq sektoru və meşəçilikdə 66,3 milyon manatlıq əlavə dəyər istehsal edilib ki, bu da ümumi ÜDM-in 3,6 faizini təşkil edir. Tikinti sektorunda - 92,2 milyon manat (5 faiz), nəqliyyatda - 165,3 milyon manat (5 faiz), rabitə və poçt xidmətləri sektorunda - 40 mln. manat (2,2 faiz), topdan və pərakəndə satışda, avtomobil sahəsində, məişət məmulatları və şəxsi istifadə predmetlərinin təmiri üzrə xidmətlər sahəsində - 202,8 milyon manat (10,9 faiz), restoran və mehmanxana sektorunda - 25,8 mln. manat (1,4 faiz), sosial və digər xidmətlərin göstərilməsində - 211,1 milyon manat (11,3 faiz) əlavə dəyər formalaşıb.

Fevralın 19-na olan rəsmi məzənnə 0,8062 AZN/USD təşkil edib.

Məqalə müəllifi ilə əlaqə ünvanı: [email protected]

Xəbər lenti

Xəbər lenti