Azərbaycan, Bakı, 23 fevral / Trend /
Azərbaycan Sahibkarlara Dəstək Milli Fondu güzəştli şərtlərlə kredit vermə qaydalarına dəyişiklik etməyi planlaşdırır. Bu barədə iqtisadi inkişaf naziri Şahin Mustafayev bildirib.
"Hazırkı qaydalara əsasən, kredit verilməsi üzrə faiz dərəcəsi yeddi faiz təşkil edir. Biz kredit şərtlərinin sadələşdirildiyi yeni qaydalar hazırlamışıq", - deyə Mustafayev bildirib.
Onun sözlərinə görə, verilən kreditlərin maksimal həcmi beş mln. manatadək artırılacaq. Əvvəllər borclar üç mln. manatadək verilirdi.
"Kreditlərin faiz dərəcələri dəyişdiriləcək və kredit müddətləri təyin olunacaq. Əvvəllər müddətdə məhdudiyyət yox idi, lakin indi dəqiq çərçivələr qoyulacaq", - deyə Mustafayev bildirib.
İdarə rəhbərinin sözlərinə görə, yeni qaydalarda səlahiyyətli bankların ərizəyə 15 gün ərzində baxacağı nəzərdə tutulub. Sahibkarlara kredit verliməsi üzrə bütün prosedur 28 gün ərzində başa çatacaq.
"Kredit almaq xahişi ilə müraciət edən sahibkarlar düzgün biznes-plan ilə hazırlanmış layihə təqdim etməlidirlər. Bir çox biznesmenlər məqsədlərini və sahibkarlıq fəaliyyətini növlərini düzgün göstərmirlər", - deyə Mustafayev bildirib.
İdarə rəhbərinin sözlərinə görə, bu nöqsanları aradan qaldırmaq üçün nazirliyin yanında yaradılan tədris biznes mərkəzində sahibkarlar üçün seminarlar keçiriləcək.
Məqalə müəllifi ilə əlaqə ünvanı - [email protected]