Azərbaycan, Bakı, 04 aprel / Trend , müxbir Ü.İsmayılova /
2008-ci ilin yekunu üzrə Azərbaycanın sığorta şirkəti Pasa Sigorta-nın aktivləri əvvəlki illə müqayisədə 26 dəfə artaraq 13,803 mln. manat təşkil edib. Bu barədə şirkətin rəsmi mətbuatda dərc olunan hesabatında bildirilir.
Bu dövr ərzində şirkətin uzunmüddətli aktivləri 2007-ci il ilə müqayisədə 11,9 faiz artaraq 272,4 min manat, qısamüddətli aktivləri isə 13,53 mln. manat (2,7 dəfə artımla) təşkil edib. Ötən il şirkətin depozit hesabları 9,5 mln. manat təşkil edib.
2008-ci ildə şirkətin ödənmiş nizamnamə kapitalı 9 mln. manat (2,25 dəfə artımla), xalis mənfəəti 683,7 min manat, ötən illərin bölüşdürülməmiş ziyanı 133,2 min manat təşkil edib.
Pasa Sigorta-nın uzunmüddətli öhdəlikləri 3,98 mln. manat (3,4 dəfə artımla), qısamüddətli öhdəlikləri ötən ilin əvvəlində qeydə alınan 99,9 min manata nisbətdə 274,98 min manat təşkil edib. Şirkətin kapital və ümumi öhdəlikləri 2,6 dəfə artaraq 13,803 mln. manata çatıb.
Ötən ilin yekunu üzrə şirkətin gəlirləri 7,56 mln. manat, xərcləri isə 6,68 mln. manat təşkil edib.
Ötən il şirkət 3,2 min manat məbləğində mənfəət vergisi, 67,69 min manat gəlir vergisi, 1,48 min manat əmlak vergisi, 16,25 min manat (4 faiz dərəcəsi üzrə) mənbə vergisi, 84,18 min manat isə digər vergilər ödəyib.
Aprelin 04-nə olan rəsmi məzənnə 0,8028 AZN/USD təşkil edir.
Məqalə müəllifi ilə əlaqə ünvanı: [email protected]
