Azərbaycan, Bakı, 22 aprel / Trend , müxbir İ.Xəlilova /
Azərbaycan prezidenti İlham Əliyev ölkənin Milli Bankı ilə ABŞ-ın Beynəlxalq İnkişaf Agentliyi (USAID) arasında maliyyə sektorunda sabitliyin təminatı proqramı çərçivəsində bank rezervlərinə nəzarət sisteminin təkmilləşdirilməsi üçün tekniki yardımın alınması üzrə memorandumun təsdiq edilməsi barədə qanunu təsdiq edib.
Memorandum ötən il noyabrın 25-də imzalanıb.
Saziş bank rezervlərinə nəzarət üzrə qayda və təlimatların gücləndirilməsi, araşdırmaların aparılması üçün AMB-nın imkanlarının artırılması, makroiqtisadi və maliyyə idarəçiliyi siyasətinin proqnozlaşdırılması və modelləşdirilməsi, kadr potensialı, rezerv və idarəetmə sistemləri üzərində nəzarət imkanlarının təkmilləşdirilməsi üçün informasiyaları idarəetmə sisteminin möhkəmləndirilməsi, banklarda İT-texnologiyaları, çirkli pulların yuyulmasına qarşı mübarizə siyasəti və bu sahədə islahatlar üzərində hüquqi və texniki nəzarətin gücləndirilməsini nəzərdə tutur.
Amerika tərəfi layihə çərçivəsində dörd mln. dollar, AMB isə 750 min dollar ayıracaq. Layihə iki ilə nəzərdə tutulub.
Məqalə müəllifi ilə əlaqə ünvanı: [email protected]
