Azərbaycan, Bakı, 09 iyun / Trend , müxbir E.İsmayılov /
İlk dəfə olaraq Azərbaycanda iyunun 15-dən etibarən Gəncə şəhərində (Bakıdan 365 km qərbdə) dəmiryol sərnişinlərinin biletlərinin satışı şəhərdə yerləşən kassalardan avtomatlaşdırılmış sistemin tətbiq edilməsi ilə həyata keçiriləcək, çərşənbə axşamı Azərbaycan Dövlət Dəmiryol İdarəsinin mətbuat xidmətinin rəhbəri Nadir Azməmmədov bildirib. Biletlərin satışı dəmiryol vağzalının kassalarında deyil, şəhərdə yerləşən kassalarda həyata keçiriləcək.
Yeni sistemin tətbiq edilməsi Gəncə şəhərinin sakinlərinə bütün istiqamətlərdə, o cümlədən ölkədaxili və beynəlxalq reyslərə biletlərin əldə edilməsinə imkan verəcək. Biletləri bir (gediş və ya gəliş) və ya iki reys (gediş-gəliş) üçün əldə etmək mümkün olacaq.
Zəruri avadanlığın Gəncə kassalarında quraşdırılması prosesi və onların ADDİ-nin ümumi vebserverinə qoşulması artıq başa çatdırılıb. Biletlərin satışı üzrə yeni sistemin ölkənin qərbində yerləşən digər stansiyalara da tətbiq edilməsi planlaşdırılır.
Məqalə müəllifi ilə əlaqə ünvanı: [email protected]