Azərbaycan, Bakı, 19 avqust / Trend , müxbir H.Vəliyev /
"Unibank" ASC "Microsoft Enterprise Agreement" korporativ lisenziyalaşdırma proqramına uyğun olaraq, öz kompüter parkına lisenziyalı PT-nin quraşdırılmasını başa çatdırıb. Bu barədə çərşənbə günü bankdan deyilib.
Bankdan bildirilib ki, Microsoft-un proqram məhsullarının lisenziyalı versiyaları 300 işçi stansiyada quraşdırılıb və kompüter parkının genişləndirilməsi ilə mərhələli şəkildə Microsoft PT-nin yeni relizləri tətbiq olunacaq. Xüsusilə də bu gün Microsoft Windows 7 yeni əməliyyat sisteminə keçid nəzərdən keçirilir.
Gələcəkdə bankın personalı üçün Softline tədris mərkəzi tərəfindən treninqlərin təşkili planlaşdırılır.
"Microsoft Enterprise Agreement" proqramı lisenziyanın bank tərəfindən üç il ertələmə şərti və illik ödəmə yolu ilə daimi istifadəyə alınmasını nəzərdə tutur.
Korporativ lisenziyalaşdırmanın üstünlüyü proqram məhsulları, yenilənmələr və patçların yeni versiyalarından istifadə imkanıdır ki, bu da bankın informasiya sisteminin təhlükəsizliyini və onun dünya tendensiyalarına uyğun olaraq daimi inkişafını təmin edir.
Məqalə müəllifi ilə əlaqə ünvanı: [email protected]
