Azərbaycan, Bakı, 25 avqust / Trend , müxbir Ü.İsmayılova /
Azərbaycanın Əmək və Əhlinin Sosial Müdafiəsi Nazirliyi aztəminatlı ailələrin sosial reabilitasiyası üzrə dövlət proqramı işləyib hazırlayır, çərşənbə axşamı rəsmi mətbuatda yayımlanan müsahibəsində nazirliyin Yoxsulluq problemləri və ünvanlı sosial yardım siyasəti şöbəsinin başçısı Natiq Qasımov bildirib.
"Dövlət proqramının həyata keçirilməsi 2010-2013-cü illərə planlaşdırılıb", - Qasımov bildirib.
Onun sözlərinə əsasən, hazırlanan proqram yoxsulluq problemlərinin həlli üzrə aparıcı dünya təcrübəsinə əsaslanır.
Qasımov bildirib ki, hazırlanan dövlət proqramının həyata keçirilməsi üçün pilot qismində Azərbaycanın Quba, İsmayıllı, Masallı rayonları, Bakının Nizami rayonu seçilib.
"Artıq iki ildir ki, nazirlik yeni dövlət proqramının təkmilləşdirilməsi üzrə işlər həyata keçirir və ilin sonuna kimi sənədin tamamlanması planlaşdırılır", - Qasımov bildirib.
Hazırda Azərbaycanda yoxsulluğun azaldılması və 2008-2015-ci illərdə davamlı inkişaf üzrə dövlət proqramı həyata keçirilir.
Yoxsulluğun azaldılması və Azərbaycanda 2003-2005-ci illərdə iqtisadi inkişaf üzrə dövlət proqramı ölkədə yoxsulluğun səviyyəsinin 2002-ci il üzrə 46,7 faizdən 2005-ci ildə 29,3 faizə kimi azalmasına imkan verib, lakin 35 faizə kimi azalmaya nail olmaq planlaşdırılırdı. 2007-ci ilin yekunlarına əsasən, ölkədə yoxsulluğun səviyyəsi 15,8 faizə kimi azalıb. Hökumətin əsas məqsədi 2010-2015-ci illər üçün Azərbaycanda yoxsulluq anlayışının ümumiyyətlə aradan qaldırılmasıdır.
Məqalə müəllifi ilə əlaqə ünvanı: [email protected]
