Azərbaycan, Bakı, 14 sentyabr / Trend , müxbir N.İsmayılova /
Azərbaycan Peşəkar Menecer Riskləri Assosiasiyasının yanında GARP-ın (Global Association of risk Professionals) Bakı şöbəsinin birinci toplantısı sentyabrın 25-də keçiriləcək. Bu barədə bazar ertəsi assosiasiyanın rəhbəri və təsisçisi Rüfət Mahmud deyib.
"Bu tarixdə bir neçə mühüm tədbirlərin keçirilməsi planlaşdırılır. İlkin olaraq assosiasiyanın keçirdiyi treninqlərin yekununa görə sertifikatlaşdırma, assosiasiyanın ictimaiyyətə tanıdılması və GARP-ın Bakı şöbəsinin birinci iclasının keçirilməsi nəzərdə tutulub", - Mahmud deyib.
Onun sözlərinə görə, Bakı şöbəsinin birinci iclasında GARP-ın idarəçi direktoru Kristofer Donohyunun iştirakı gözlənilir.
"Gələcəkdə şöbə çərçivəsində müzakirələr üçün daimi görüşlərin keçirilməsi gözlənilir ki, bu görüşlərə də minimum 100 nəfər qatılacaq", - Mahmud deyib.
Güman edilir ki, şöbənin daimi üzvləri Azərbaycan kommersiya banklarının nümayəndələri, xüsusilə də assosiasiyada təşkil edilmiş menecer riskləri kurslarında iştirak edən bankların nümayəndələri, həmçinin Mərkəzi Bankın nümayəndələri olacaq.
14 iyul tarixindən assosiasiya tərəfindən təşkil edilmiş "Banklarda menecer risklərinin əsasları" adlı onhəftəlik treninqin nəticələrinə görə sentyabrın 25-də assosiasiya və GARP tərəfindən serfikatlaşdırma aparılacaq. Treninqdə aralarında kommersiya banklarının və Mərkəzi Bankın nümayəndələri olan yüzdən çox bank işçisi iştirak edir.
Assosiasiya mayın ortalarında qeydiyyatdan keçib və hazırda artıq onun institusional olaraq yaradılması həyata keçirilir. Assosiasiyanın yaradılması ölkədə maliyyə sahəsində risklərin azalmasına təsir edir. Struktur artıq Mərkəzi Bankla və GARP-la əməkdaşlığa başlayıb. Beynəlxalq Maliyyə Korporasiyası (İFC) assosiasiyaya texniki dəstək göstərir.
Məqalə müəllifi ilə əlaqə ünvanı: [email protected]
