Azərbaycan, Bakı, 22 oktyabr / Trend /
Azərbaycanda dənizdə xidmət göstərən iki xarici şirkət qeydiyyatdan keçib, bu barədə Azərbaycan Vergilər Nazirliyinin "vahid pəncərə" bölməsində deyilir.
Sentyabrın ortalarında "Seacor Marine Az" MMC qeydiyyatdan keçib, onun təsisçiləri Amerikanın "Seacor Offshore Services Inc" və "Sea Mar Offshore Llc" şirkətləridir. MMC-nin hüquqi nümayəndəsi İlham Abdullayevdir. Yeni müəssisənin nizamnamə kapitalı min manat təşkil edir.
Azərbaycanda Britaniyanın Pace Shipping Worldwide Llp şirkətinin nümayəndəliyi qeydiyyatdan keçib. Azərbaycanda şirkətin hüquqi nümayəndəsi Kamran Həbibovdur. Şirkət Vergilər Nazirliyində sentyabrın 15-də qeydiyyatdan keçib.
