Azərbaycan, Bakı, 23 oktyabr / Trend , müxbir Ü.İsmayılova/
Azərbaycanın Fövqəladə Hallar Nazirliyi (FHN) ölkənin tikinti sektorundakı işlərə nəzarət üzrə fəaliyyət planı hazırlayır, bu barədə cümə günü FHN yanında Tikintidə təhlükəsizliyə nəzarət üzrə Dövlət Agentliyinin tikintinin qiymətləndirilməsi mərkəzinin direktoru Kamil Muradov bildirib.
"Bu məqsədlə FHN hazırda tikinti sektorunda keyfiyyətsiz tikintilərin aşkar edilməsi üzrə monitorinqləri davam etdirir", - Muradov bildirib.
Onun sözlərinə əsasən, ölkənin tikinti sektorunda təhlükəsizliyin təmin edilməsi üzrə vacib tədbirlərdən biri tikinti işlərinin keyfiyyətinin müəyyən edilməsi üzrə normativ-hüquqi sənədlərin işlənib hazırlanması olacaq.
Bu gün ölkədə tikinti işlərinin lisenziyalaşdırılmasının tətbiqi ölkədə tikinti keyfiyyətinin yaxşılaşdırılmasına səbəb olacaq.
Muradovun sözlərinə əsasən, hazırda Azərbaycanda lisenziya təkcə memar-layihəçilərə verilir ki, bu da ölkədə tikintinin yüksək keyfiyyətinin təmin edilməsi üçün vacibdir.
"Tikinti şirkətlərinin lisenziyalaşdırılması və tikinti sektoru üçün normativ sənədlərin tətbiqindən sonra bazarda yalnız tikinti keyfiyyəti ilə bağlı müvafiq tələb və standartlara cavab verən şirkətlər qalacaq", - Muradov bildirib.
Məqalə müəllifi ilə əlaqə ünvanı: [email protected]
