Azərbaycan, Bakı, 31 oktyabr / Trend , müxbir İ.Xəlilova/
MDB-də ən iri dəmir yolu nəqliyyat vasitələri istehsalçılarından biri - "Uralvaqonzavod" şirkətinin törəmə şirkəti olan "Uranvaqonzavod-Trans" Azərbaycan bazarlarına daxil olma imkanlarını gözdən keçirir, transport şirkətinin baş direktoru Oleq Jabin Trend -a deyib.
"Biz bilirik ki, Azərbaycanda sistenlərə ehtiyac var. Hazırda sisternlərin tədarük imkanları ilə bağlı məsələ müəyyən edilir", - Jabin deyib.
Onun sözlərinə görə, Rusiya zavodu dəmir yol nəqliyyat vasitələri parkına malikdir, yaxın zamanlarda "bizim sifarişimiz üzərinə zavodda yeni nəsil sisterenlər, hazırlanacaq. Onlar bazarda mövcud olan sisternlərdən hərəkət və həcmin artırılması baxımından daha effektlidir".
Hazırda zavodun istehsal gücü ildə 20 mindən çox dəmir yol nəqliyyat vasitələri təşkil edir. İistehsalatın inkişaf etdirilməsi və MDB ölkələrinə inteqrasiya etmək hazırda zavodun qarşısında duran mühüm məsələlərdəndir.
"Şirkətimiz Azərbaycana da yeni nəsil sisternlər təklif etməyə hazırdır. Bu ölkə ərazisində "Uralvaqonzavod-Trans" tərəfindən göstərilən xidmətlərdən biri ola bilər, - Jabin deyib. - Artıq ilk müzakirələr aparılıb və indi detallar ətraflı öyrənilir".
Onun sözlərinə görə, Azərbaycanda, xüsusilə də dəmir yolu nəqliyyatını istifadə etməklə neft məhsullarının daşınmasının artırılmasına ehtiyac var. Bu da dəmir yolu nəqliyyat vasitələri istehsalçılar və dəmir yolu vasitələri parkına malik olan operator-şirkıtlər üçün perspktivli bazardır. ARDNŞ-la da əməkdaşlığın pespektivlərinin müzakirəsi üçün ilkin əlaqələr aparılıb.
Hazırda "Uralvaqonzavod-Trans" Rusiya ərazisində Rusiya dəmir yollarının tariflərinə yaxın tariflərlə fəaliyyət göstərir.
"Biz şəxsi dəmir yol vasitələrinə sahib olduğumuz üçün bir qədər ucuz xidmət göstəririk, lakin bu xidmətlər həcmdən, istiqamətlərdən və müqavilənin müddətindən asılıdır", - Jabin deyib.
O birgə istehsalatın yaradılmasını da istisna etməyib. Lakin ilkin əlaqələrə müvafiq olaraq, əməkdaşlıqda qarşılıqlı maraqlıar var. Buna görə də, Azərbaycan ərazisindəki istehsalatın təşkil edilməsi məsələsinə hələ baxılmır.
Məqalə müəllifi ilə əlaqə ünvanı: [email protected]