Azərbaycan, Bakı, 17 fevral / Trend , müxbir Ü.İsmayılova/
Azərbaycanda yanvar ayında istismara verilən yaşayış evlərinin ümumi sahəsi 81,5 min kvadratmetr təşkil edib ki, bu da ötən ilin analoji dövründən 28,3% çoxdur. Bu barədə çərşənbə günü Dövlət Statistika Komitəsindən məlumat verilib.
Bu dövr ərzində inşaat-montaj işlərinə 218,1 milyon manat yönəldilib ki, bu da 2009-cu ilin göstəricisindən 6,2% çoxdur.
İstehsalat obyektlərinin tikintisinə 356,2 milyon manat vəsait yatırılıb ki, bu da 2009-cu ildən 2,8% çoxdur.
Əsas kapitalda investisiyanın ümumi həcmi il ərzində 5,6% artaraq 401,3 milyon manat təşkil edib.
Fevralın 17-nə olan rəsmi məzənnə 0,8032 AZN/USD təşkil edir.