Azərbaycan, Bakı, 2 iyun /Trend/
Azərbaycan indiyə qədər Rusiyadan Azərbaycan Dövlət Xəzər Dəniz Gəmiçiliyinin gəmilərinin Rusiyanın daxili sularından keçməsinə rəsmi icazə almayıb. Bunu ADXDG-nin rəhbəri Aydın Bəşirov deyib.
"İcazə ADXDG-yə Xəzərdən Qara dənizə və geriyə yüklərin daşınmasına olan sifarişlərin həyata keçirilməsi üçün lazımdır", - Bəşirov deyib.
Keçən il dünyada baş verən iqtisadi-maliyyə böhranına görə və bunun nəticəsində Qara dənizdə sifarişlərin azalmasına görə ADXDG öz gəmilərini Xəzərə keçirib. Hal-hazırda Qara dənizdə ADXDG-nin 2 gəmisi fəaliyyət göstərir.
Keçən il Azərbaycan Azov dənizindən Xəzərə 23, Xəzərdən Azov dənizinə 14 gəminin keçməsinə icazə alıb.
