Azərbaycan, Bakı, 4 iyun /Trend, müxbir N.İsmayılova/
Azərbaycan Kredit İttifaqları Assosasiyası (AKİA) və Azərbaycan Mərkəzi Bankı (AMB) kredit ittifaqları probleminin həlli üzrə komissiya yaradır. Bu barədə cümə günü AKIA-nın üçünçü toplantısında assosiasiyanın İiarə heyətinin sədri Elçin Bağırov bildirib.
"Assosiasiya qanun layihəsinin hazırlanmasına başlamaq niyyətindədir. Həmin sənədə görə kredit ittifaqlarına depozitlərin cəlb edilməsinə icazə veriləcək, lakin bu prosesə beynəlxalq ekspertlər, o cümlədən Ümumdünya Kredit İttifaqları Şurasından (WOCCU) mütəxəssislər qoşulacaq", - Bağırov deyib.
Onun sözlərinə görə, AKİA AMB ilə səylə çalışır və bu gün artıq Azərbaycan Mərkəzi Bankı yanında kredit ittifaqları üzrə komissiyanın yaradılması prosesinə başlanılıb.
"Bu komissiya assosiasiyanın irəli sürəcəyi təklif və qanun layihələrinə baxacaq və ona təqdim olunan layihələrdən biri əmanətlərin qəbulu ilə bağlı icazə haqqındadır", - Bağırov deyib.
Bu gün AKİA üzvlərinin sayı tərkibindəki 14 min payçı ilə 60 kredit ittifaqına çatır. AKİA WOCCU üzvlüyünə kredit ittifaqları şurasına daxil olmaq üçün xüsusi olaraq işlənib hazırlanmış yeni affilə olunmuş kateqoriyadan olan ilk üzvüdür. Bu, təşkilatın tamhüquqlu üzvlüyünə daxil olmaq üçün kifayət qədər maliyyə imkanı olmayan birliklər üçün nəzərdə tutulub.
