...

Azərbaycanda sementə tələbat hər il təxminən 6 faiz artacaq - Asiya İnkişaf Bankı

Biznes və iqtisadiyyat xəbərləri Materials 7 İyul 2010 19:14 (UTC +04:00)
Ümumi daxili məhsulun əhalinin adambaşına düşən artım tendensiyası əsasında Azərbaycanda sementə tələbat 2012-ci ilə qədər ildə 5,8 faiz artacaq ki, bu da adambaşına 505 kq həcmində tələbata gətirib çıxaracaq.

Аzərbaycan, Bakı, 7 iyul

/Trend,

müxbir N.İsmayılova/

Ümumi daxili məhsulun əhalinin adambaşına düşən artım tendensiyası əsasında Azərbaycanda sementə tələbat 2012-ci ilə qədər ildə 5,8 faiz artacaq ki, bu da adambaşına 505 kq həcmində tələbata gətirib çıxaracaq. Bu barədə Asiya İnkişaf Bankından verilən məlumatda deyilir.

"2008-ci ildə Azərbaycanın sementə olan daxili tələbatı 3,2 milyon ton təşkil edib ki, bu da adambaşına 374 kq edir", - məlumatda deyilir.

Bu, Şərqi Avropada adambaşına düşən tələbat səviyyəsi ilə müqayisə edilə biləndir, lakin regionun əhəmiyyətli tikinti işləri və infrastrukturun bərpası proseslərinin aparıldığı digər ölkələrindən, məsələn, Qazaxıstan (adambaşına 608 kq), İran (adambaşına 475 kq) və Rusiyadan (adambaşına 420 kq) azdır.

2008-ci ildə Azərbaycanda sement kəsiri 1,27 milyon ton təşkil edib ki, bu da ölkənin idxaldan asılılığını artırıb.

Xəbər lenti

Xəbər lenti