Ramazan Bayramı ilə əlaqədar "Azərbaycan Dəmir Yolları" QSC bütün daxili reyslərə əlavə vaqonlar buraxacaq

Azərbaycan, Bakı, 8 sentyabr /Trend, müxbir E.İsmayılov/

Bu gündən Ramazan Bayramı ilə əlaqədar "Azərbaycan Dəmir Yolları" QSC bütün respublika daxilindəki reyslərə əlavə vaqonlar buraxacaq. Bu barədə QSC-nin mətbuat xidmətinin rəhbəri Nadir Əzməmmədov çərşənbə günü jurnalistlərə bildirib. Ramazan Bayramı Azərbaycanda sentyabrın 9-10-da qeyd ediləcək.

Əlavə vaqonlar bayram günlərində sayı artacaq sərnişinlərin daşınmasını təmin etmək üçün lazımdır.

"Hazırda bu istiqamətdə işlər aparılır və bu gündən respublika daxilindəki bütün qatarlara əlavə vaqonlar qoşulacaq", - Əzməmmədov bildirib.

Onun sözlərinə görə, QSC bu rejimdə bayram günlərindən daha bir neçə gün sonra işləyəcək.