Azərbaycan, Bakı, 14 sentyabr /Trend, müxbir A.Əhmədov/
Avqustda Azərbaycanda "vahid pəncərə" sistemi vasitəsilə Amerikanın əczaçılıq şirkəti "Unipharm, İnc."in nümayəndəliyi qeydiyyata alınıb. Bu barədə ölkənin Vergilər Nazirliyi saytının "vahid pəncərə" bölməsində məlumat verilib.
Onun təsisatçısı Amerikanın "Unipharm, İnc." şirkətidir. Təşkilat 2010-cu il avqustun 13-də ticari fəaliyyət üçün dövlət qeydiyyatından keçib. Şirkətin nümayəndəsi Azərbaycan vətəndaşı Rəna Səfərli olub.
Amerikanın əczaçılıq korporasiyası "Unipharm, İnc." - Rusiya, MDB ölkələri və Şərqi Avropa da daxil olmaqla, beynəlxalq əczaçılıq bazarında fəaliyyət göstərən şirkətdir.
Şirkətin qərargah mənzili ABŞ-ın Nyu-York ştatında yerləşir. Şirkət 1992-ci ildə yaradılıb, vitamin və mineral preparatların Rusiya, Ukrayna və digər MDB ölkələrinə aparıcı satıcısıdır. Şirkətin RF, Ukrayna, Belarus, Qazaxıstan, Moldova, Çində nümayəndəlikləri var. Şirkət, həmçinin, Qərbi Avropa, Şərqi Asiya, Yaxın Şərq bazarlarına da çıxır.
"Unipharm" korporasiyası 30-dan çox reseptsiz dərman preparatı istehsal edir.