Azərbaycan, Bakı, 14 sentyabr /Trend, müxbir А.Axundov/
Avqustda Azərbaycanda "vahid pəncərə" sistemi vasitəsilə Amerikanın sığorta şirkəti "Miracle"ın nümayəndəliyi açılıb. Bu barədə ölkənin Vergilər Nazirliyinin saytında - "vahid pəncərə" bölməsində məlumat verilib.
Onun təsisatçısı Amerikanın "Miracle İnsurance and Financial Group, Inc." şirkətidir. Nümayəndəlik 2010-cu il avqustun 10-da ticari fəaliyyət üçün dövlət qeydiyyatından keçib. Şirkətin Azərbaycandakı nümayəndəsi Azərbaycan vətəndaşı Mərdan Qəniyev olub.
Amerikanın sığorta şirkəti "Miracle" ABŞ-ın sığorta bazarında yüz ildən çox iş təcrübəsinə malikdir. Şirkətin illik dövriyyəsi 1,6 milyard dolları ötür.
Şirkətin mənzil-qərargahı ABŞ-ın Nyu-York ştatında yerləşir.
