Bakı.Trend:
Avropa İttifaqının (Aİ) Babül-Məndəb boğazındakı dəniz missiyasının təcili olaraq döyüş gəmilərinə ehtiyacı var.
TASS-ın məlumatına görə, bunu Aİ-nin xarici siyasət və təhlükəsizlik siyasəti üzrə ali nümayəndəsi Kaya Kallas deyib.
Onun sözləissiyanın tərkibində ticarət gəmilərini müşayiət edə biləcək ştat üzrə nəzərdə tutulmuş 10 gəmi belə yoxdur.
“Aİ-nin (Qırmızı dənizdə-red) Aspides əməliyyatı var, lakin onun sərəncamında olduğundan daha çox sayda hərbi gəmiyə təcili ehtiyacı var”, - deyə Kallas bildirib. O vurğulayıb ki, Aİ Babül-Məndəb boğazından gəmilərin müşayiət olunması ilə bağlı çoxsaylı müraciətlər alır, lakin bunun üçün döyüş gəmiləri lazımdır.
“Köhnə əməliyyat Aspides yaradılarkən (2024-cü ildə ticarət gəmilərini husilərin raket hücumlarından qorumaq məqsədilə yaradılıb - red) onun tərkibində 10 gəminin olması barədə qərar qəbul edilmişdi. Hazırda onun tərkibində hətta bu 10 gəmi də yoxdur”, - deyə Kallas bildirib.
