...

Almaniya bankı Azərbaycan üçün kadastrın yaradılması üzrə maliyyələşməni artırmağa hazırdır

Biznes və iqtisadiyyat xəbərləri Materials 14 Sentyabr 2010 18:18 (UTC +04:00)

Azərbaycan, Bakı, 14 sentyabr /Trend, müxbir İ.Xəlilova/

Alamniyanın "KfW" İnkişaf Bankı Azərbaycanın şimal-qərbində yerləşən Şəki və Gəncədə daşınmaz əmlak və kadastrın qeydiyyat sisteminin yaradılmasına əlavə 15 milyon avro ayırmağa hazırdır. Bu barədə çərşənbə axşamı "KfW"nin Bakı ofisinin rəhbəri Natiq Abdullayev deyib.

"Maliyyələşmənin ilkin həcmi 2,5 milyon avro məbləğində təsdiqlənib, lakin kadastrda bu iki rayonda daşınmaz əmlak haqqında bütün informasiyanı əhatə etmək üçün əlavə 15 milyon avro veriləcək", - Abdullayev qeyd edib.

İlkin maliyyələşmə güzəştli şərtlərlə (10 ili güşətli dövr olmaqla 40 il müddətinə və illik 0,75 faiz dərəcə ilə) verilib, bununla yanaşı, əlavə kredit də əlverişli şərtlərlə olacaq və ən azı 15 ilə hesablanacaq.

Hazırda Əmlak Məsələləri Dövlət Komitəsi ilə layihənin konsultantı "GFA" şirkəti arasında sazişin imzalanacağı gözlənilir.

"Saziş 433 min avro büdcə ilə 8 aya hesablanacaq, - Abdullayev deyib. - Konsultantın vəzifəsinə Şəki və Gəncədə daşınmaz əmlak və kadastrın qeydiyyat sisteminin yaradılması layihəsinin həyata keçirilməsi üçün əsasnamənin hazırlanması daxildir".

Onun sözlərinə görə, layihənin həyata keçirilməsinə bankdan əlavə vəsaitlərin alınması bu konsepsiyadan asılıdır. "Biz ölkədə analoji layihəni həyata keçirən Dünya Bankı ilə əməkdaşlığın müsbət nəticələrini əldə edən kimi, 2,5 milyon avro məbləğində ilk kreditdən istifadə edəcəyik və əlavə maliyyələşməni alacağıq", - Abdullayev qeyd edib.

Layihə Gəncə şəhəri və Şəki rayonunda torpaqların, sahələrin və daşınmaz əmlakın qeydiyyatını aparmaq üçün mütəmadi kadastr uçotun keçirilməsini nəzərdə tutur. Geodeziya tədqiqatları əsasında onların dəqiq koordinatları kadastr xəritəsinə daxil ediləcək.

Daşınmaz əmlakın qeydiyyatı layihəsi Dünya Bankının analoji layihəsindən məhz geodeziya tədqiqatlarının aparılması və bütün torpaq sahələrinin koordinatlarının dəqiqləşdirilməsinə yanaşma ilə fərqlənəcək, halbuki qeydiyyatın bütün Azərbaycan ərazisinin 40 faizini əhatə edəcək DB-nin layihəsində bu, təsadüfi hallarda - torpaq sahələrinin və ya daşınmaz əmlakın alışı və ya satışı zamanı ediləcək. DB-nin Azərbaycanda daşınmaz əmlakın qeydiyyatı üzrə layihəsinin dəyəri 38,57 milyon dollar təşkil edir. Bu məbləğdən bankın kredit payına 30 milyon dollar düşür.

Xəbər lenti

Xəbər lenti