Azərbaycan, Bakı, 2 oktyabr /Trend, müxbir N.İsmayılova/
Azərbaycan yerli və xarici investorlar üçün əməliyyatlar və əlverişli şərait yaratmaq yolu ilə neft-qaz sektoruna uğurla iri sərmayələr cəlb edib. İqtisadiyyatın qeyri-neft sektorunda sərmayələrin cəlb olunması üçün hökumətin bu uğuru təzələməsi vacibdir. Bu barədə Avropa Yenidənqurma və İnkişaf Bankının (AYİB) 2011-2013-cü illəri əhatə edən Azərbaycan üzrə strategiyasının ilkin versiyasında deyilir.
"Dünya iqtisadiyyatına daha sıx inteqrasiya Azərbaycana səmərəliliyi və rəqabətqabiliyyətliliyi yaxşılaşdırmağa imkan verir. ÜTT-yə daxil olmaq idxalçı və ixracatçılar üçün sabit və qabaqcadan müəyyən edilmiş çərçivə yaratmaq yolu ilə iqtisadiyyatın şaxələndirilməsini dəstəkləyəcək, proteksionist reflekslərə müqavimət göstərəcək, neft sektorundan kənar mal və xidmətlərin dərinləşdirilməsinə olan cəhdləri özündə əks etdirəcək", - strategiyada deyilir.
Azərbaycanın neft-qaz sektorundan asılılığını azaltmaq üçün AYİB uzunmüddətli davamlı artım və məşğulluğa kömək üçün əsas yaratmağı, hökumətin öz inkişaf strategiyasında iqtisadiyyatın saxələndirilməsinə daha çox diqqət yetirməsini tövsiyə edir. Bu məqsədlərə çatmaq üçün Azərbaycanın öz uğurlarına söykənərək, keçid dövrünün yerdə qalan digər problemlərini həll etməsi vacibdir.
"Azərbaycanın işgüzar mühit yaratması, gömrük və vergi sahələrində keçirilən islahatları sürətləndirməsi, qlobal iqtisadiyyata daha çox inteqrasiya olması, maliyyə vasitəçiliyini dərinləşdirməsi və dövlət infrastrukturunun təkmilləşdirilməsi üzrə islahatları davam etdirməsi zəruridir", - strategiyada deyilir.
Azərbaycanın bazar iqtisadiyyatına keçid indikatoru 2,63 təşkil edir. Bankın qiymətləndirmələrinə görə, keçid dövrünün problemləri aqro-sənaye kompleksi, təbii resurslar və nəqliyyatdan başqa sektorların əksəriyyətində qalır.
Eləcə də Azərbaycan iri müəssisələrin özəlləşdirilməsi, bazar institutlarının inşası və infrastrukturlar sektorunda islahatların həyata keçirilməsi kimi daha çətin və çox zəhmət tələb edən ikinci nəsil islahatları reallaşdırmalıdır.
