Azərbaycan, Bakı, 22 noyabr /Trend, müxbir N.İsmayılova/
Azərbaycan Risk Peşəkarları Assosiasiyası (ARPA) ölkədə Risk Peşəkarlarının Qlobal Assosiasiyasının (GARP) sertifikatlaşdırılmış mərkəzinin yaradılması üzrə işləri başa çatdırır. Bu barədə bazar ertəsi ARPA-nın rəhbəri Rüfət Mahmudov deyib.
"Bu mərkəz mütəxəssislərin menecmentin riski sahəsində beynəlxalq standartlara uyğun Azərbaycan dilində "online" rejimdə sertifikatlaşdırma aparmağa imkan verəcək", - Mahmudov deyib.
Onun sözlərinə görə, sınaqdan keçəndən sonra iştirakçıya GARP-ın sertifikatı veriləcək.
"Mərkəzin sınaq müddətinə dörd aya yaxın vaxt lazım olacağı gözlənilir. Beləliklə, mərkəzin işə salınması gələn il həyata keçiriləcək", - o, deyib.
Mayda GARP-ın Qəyyumluq Şurası regional əməkdaşlığın gücləndirilməsi məqsədi ilə təşkilatın Azərbaycan nümayəndəliyinin açılmasını bəyənib.
GARP - risklərin idarə edilməsi, sertfikatlaşdırma və şirkətlərdə risk mədəniyyətinin irəliləməsi üzrə tədris və kursların keçirilməsi ilə məşğul olan strukturdur. Təşkilatın dünyanın 40 ölkəsində nümayəndəliyi var.
ARPA-nın yaradılmasında məqsəd Azərbaycanın maliyyə sektorunda risklərin azalmasına kömək göstərilməsidir. Assosiasiya ölkənin Mərkəzi Bankı və İFC ilə məkdaşlıq edir.
