Azərbaycan, Bakı, 22 dekabr /Trend, müxbir Ü.İsmayılova/
Hava nəqliyyatının sığortalanmasında ixtisaslaşan Azərbaycanın sığorta şirkəti "AZAL Sığorta" ASC dekabrın 2-dən etibarən nizamnamə kapitalını 8,137 milyon manata qədər artırıb. Bu barədə çərşənbə günü şirkətdən bildiriblər. Əvvəl şirkətin nizamnamə kapitalı 7 milyon manat olub.
Azərbaycanın Qiymətli Kağızlar üzrə Dövlət Komitəsi (QKDK) dekabrın 8-də "AZAL Sığorta" ASC-nin 8,137 milyon manat məbləğində adi adlı sənədsiz emissiya prospektlərinin səhmlərini qeydə alıb.
Hava nəqliyyatının sığortalanmasında ixtisaslaşan "AZAL Sığorta" 1995-ci ildə yaradılıb. Şirkətin təsisçisi "AZAL" (Azərbaycan Hava Yolları) QSC-dir. Yanvar-noyabrda şirkətin sığorta haqları 1,03 milyon manat ödənişlə 11,78 milyon manat təşkil edib.
Maliyyə Nazirliyinin ölkənin sığorta şirkətlərinə minimal tələbi 2011-ci il yanvarın 1-nə 3 milyon manat məbləğində müəyyənləşdirilib.
