Azərbaycan, Bakı, 31 yanvar/Trend, müxbir İ.Xəlilova/
Beynəlxalq Valyuta Fondu (BVF) Azərbaycan hökuməti ilə BVF-nin sazişinin IV maddəsi üzrə məsləhətləşmələr çərçivəsində Bakıya missiyanın yeni rəhbəri - Yaxın Şərq və Mərkəzi Asiya üzrə departamentin direktor müavini Nədim İlahini göndərir. Bu barədə bazar ertəsi Azərbaycan hökumətindən bildiriblər. İl ərzində bu vəzifəni Ninke Omes yerinə yetirib, ona kimi əvvəlki iki il ərzində bu səlahiyyətləri Valyuta Fondunun MSD departamentinin direktor müavini Valeri Fiker icra edib.
"Nədim İlahi artıq öz vəzifə səlahiyyətlərini yerinə yetirməyə başlayıb və o, fevralın 7-dən 15-dək planlaşdırılan IV maddə üzrə növbəti missiyaya rəhbərlik edəcək", - ölkə hökumətindəki mənbə deyib.
İlahi bu vəzifəyə təyin olunana qədər fondun Qırğızıstandakı missiyasına başçılıq edib.
Səfər çərçivəsində IV maddə üzrə prioritet istiqamətlərlə yanaşı, hökumətlə ölkədəki makroiqtisadi vəziyyətin (mövcud tendensiyalar və perspektivlər), Valyuta Fondunun texniki yardımını almaq üçün istiqamətlərin müzakirəsi planlaşdırılır.
BVF-in Azərbaycandakı daimi nümayəndəliyi 1993-cü ildən fəaliyyət göstərir. Lakin hökumətlə əməkdaşlıq 1992-ci ildə başlayıb. Lakin 2009-cu ilin yayında fond ofisini saxlayaraq Azərbaycandakı nümayəndəliyini bağlamaq barədə qərar qəbul edib. Bu fondun kredit proqramlarını keçirmədiyi ölkələrdə xərclərinin azaldılması ilə əlaqədardır. Beynəlxalq təşkilat ölkəni maliyyələşdirməyə 1995-ci ildə başalyıb. Bu günədək BVF Azərbaycana altı proqram çərçivəsində kreditlər ayırıb. Azərbaycan 2013-cü ilədək əvvəllər fondan götürdüyü borcları ödəyəcək.