Azərbaycan, Bakı, 4 fevral /Trend, müxbir Ü.İsmayılova/
Azərbaycan Sığortaçılar Assosiasiyası və Azərbaycan Turizm Assosiasiyası turizm sahəsi üçün yeni məhsulların hazırlanması üzrə işə başlamağı planlaşdırırlar. Bu barədə cümə günü Trend-ə Sığortaçılar Assosiasiyasının Müşahidə Şurasının sədri Azər Əliyev deyib.
"Məhz hansı məhsulların hazırlanacağı hələ ki məlum deyil. Yaxın vaxtlarda bu məsələnin müzakirəsi üçün hər iki bazarın iştirakçıları arasında görüşün keçirilməsi planlaşdırılır", - Əliyev bildirib.
Onun sözlərinə görə, hazırda Azərbaycan turistləri xaricə gedənlər üçün nəzərdə tutulan sığorta polislərini həmişə almırlar.
Turistlər sığortanı vizanın alınması lazım olan ölkələrə yola düşəndə əl etmək məcbiriyyətində qalırlar. Lakin məsələn, Azərbaycanın vizasız rejimə malik olduğu Türkiyəyə gedən turistlər sığorta polisini almırlar. Bu isə nəticədə bədbəxt hadisələr baş verən zaman müəyyən maliyyə çətinliklərinə sabəb ola bilər.
"Hazırda ölkənin sığorta bazarında bir sığorta polisi üzrə ödəniş orta hesabla 30-50 min manat, bazarın portfelində sığortanın bu növü üzrə ümumi yığımların həcmi 500 min manat təşkil edir", - Əliyev qeyd edib.
Azərbaycanda 27 sığorta və bir təkarar sığorta şirkəti fəaliyyət göstərir. Ölkədə fəaliyyət göstərən turizm şirkətlərinin sayı 207-dir.
