Azərbaycan, Bakı, 12 fevral /Trend, müxbir N.İsmayılova/
Azərbaycan Milli Məclisinin bu həftə keçirilən iclasında "Auditor xidməti haqqında" qanun layihəsinə və İnzibati Xətalar Məcəlləsinə əlavə və dəyişikliklərin edilməsi təsdiqlənib.
Əlavələrə əsasən, icbari auditdən yayınan vəzifəli şəxslər üçün cərimənin məbləği 300 manatdan 600 manatadək, hüquqi şəxslər üçün 500 manatdan 2500 mantadək təşkil edəcək.
Qanuna əsasən, maliyyə hesabatlarını dərc etdirməli olan təsərrüfat subyektləri üçün qanunvericilikdə nəzərdə tutulduğu hallarda, auditin keçirilməsi icbaridir.
Azərbaycanın Auditorlar Palatası 1995-ci il sentyabrın 15-də təsis edilib və özünün aktiv fəaliyyətinə 1996-cı ilin aprelində başlayıb. Azərbaycanda "Auditor xidməti haqqında" qanun 1994-cü ildə qəbul edilib. Hazırda Azərbaycanda dünyada məşhur olan PricewaterhouseCoopers, Deloitte, Ernst&Young, KPMG, BDO Azerbaijan və s. auditor şirkətləri var.
