Azərbaycan, Bakı, 9 aprel/ Trend, müxbir N.İsmayılova/
Fevralda Azərbaycan bankları kreditləşməni 0,03 faiz, 2010-cu ilin fevralı ilə müqayisədə isə 9,7 9 faiz artırıblar. Bu barədə bazar ertəsi Azərbaycan Mərkəzi Bankının məlumatında deyilir.
Martın əvvəlinə banklar tərəfindən 9152,8 milyon manat (o cümlədən 5888,6 milyon manat milli valyutada və 3264,2 milyon manat valyutadada) kredit verilib. Bu göstərici yanvarın yekunları üzrə 9149,8 milyon manat (müvafiq olaraq 5876,9 milyon manat və 3272,9 milyon manat) və 2010-cu il martın 1-nə 8343,5 milyon manat (o cümlədən müvafiq olaraq 4852,7 milyon manat və 3490,8 milyon manat) olub.
Ümumi portfeldən fevralın 1-nə 497 milyon manata, 2010-cu il martın 1-nə 358,4 milyon manat (4,3 faiz) qarşı 509,4 milyon manatda borcların və ssudaların müddəti uzadılıb. Vaxtı uzadılan kreditlərin statistikası bank olmayan kreit təşkilatı "Aqrarkredit"in analojı borclarını nəzərə almır.
Martın əvvəlinə olan məlumata görə, qısamüddətli kreditlər 2501,4 milyon manat (258,3 milyon manat vaxtı uzadılan ssudalar daxil olmaqla) təşkil edib. Bu göstərici fevralın 1-nə 2551,3 milyon manat (253,9 milyon manat vaxtı uzadılan ssudalar daxil olmaqla), ötən il martın 1-nə 2210,1 milyon manat (177,7 milyon manat) olub. Fevral ərzində iqtisadiyyatda qısamüddətli kreditlərin həcmi 2 faiz azalıb, 2010-cu ilin fevralına nisbətdə isə 13,2 faiz artıb.
Fevralın sonuna olan məlumata görə, qısamüddətli kreditləşmənin 40,9 faizi və vaxtı uzadılan kreditlərin 37,2 faizi valyutanın payına düşüb.
Fevralın 1-nə uzunmüddətli kreditləşmə 6598,5 milyon manata qarşı 6651,5 milyon manat, 2010-cu il martın 1-nə 6133,3 milyon manat təşkil edib. Yanvar ərzində uzunmüddətli kreditləşmənin həcmi 0,8 faiz, 2009-cu ilin yanvarına nisbətdə 8,4 faiz artıb.
Mərkəzi Bankın məlumatında deyildiyinə görə, martın əvvəlinə ölkənin (Azərbaycan Beynəlxalq Bankı tərəfindən) yeganə dövlət bankı tərəfindən 43,1 faizdə xüsusi çəki ilə (fevral ərzində 0,5 faiz artıb) 3941,3 milyon manat, özəl banklar tərəfindən - 54,7 faizdə xüsusi çəki ilə (0,3 6 faiz azalıb) 5002,7 milyon manat kredit verilib. Qalan 2,3 faiz bank olmayan kredit təşkilatlarının payına düşür. Onlara208,9 milyon manat verilib.
Aprelin 9-na olan rəsmi məzənnə 0,7923 AZN/USD təşkil edir.