Azərbaycan, Bakı, 23 aprel /Trend, müxbir A.Axundov/
Azərbaycan Dövlət Gömrük Komitəsinin (DGK) məlumatına görə, yanvar-martda nəqliyyat vasitələri ilə 13,535 milyon tona yaxın idxal və ixrac malları daşınıb ki, bu da 2010-cu ilin analoji dövr göstəricisindən 15,85 faiz çoxdur. Bu barədə şənbə günü Trend-ə komitədən məlumat verilib.
Bu dövr ərzində yüklərin ixracı 8,199 milyon ton, idxal isə 1,543 milyon ton təşkil edib.
Yanvar-martda dəniz nəqliyyatı ilə 43,568 min ton, dəmiryol - 705,443 milyon ton, avtomobil - 131,619 min ton, hava nəqliyyatı ilə 832,65 ton yük daşınıb. Stasionar nəqliyyat vasitələri ilə nəql 7,316 milyon ton təşkil edib.
Dəniz nəqliyyatı ilə 264,56 min ton, dəmiryol - 1,545 milyon ton, avtomobil - 387,075 min ton, hava nəqliyyatı ilə 4,31 min ton idxal edilib.
2011-ci ilin ilk üç ayı ərzində Azərbaycan ərazisindən tranzitlə 3,129 milyon ton yük daşınıb.
