Azərbaycan, Bakı, 4 noyabr /Trend, müxbir A.Axundov/
2011-ci il Azərbaycanın sığorta bazarı üçün dönüş ili olub. Trend-in məlumatına görə, bu barədə cümə günü "Paşa Sığorta" şirkətinin idarə heyətinin sədri Nofəl Rzayevin şirkətin saytında yerləşdirilən müsahibəsində deyilir.
"2009 və 2010-cu illərdə sığorta bazarında müşahidə edilən daralma iki ildən sonra məhz 2011-ci il sığorta bazarının yeni vəziyyətinə doğru yolda həm say, həm də keyfiyyət baxımından dönüş dövrü olmalı idi. Doqquz ayın nəticələrinə əsasən, inamla demək olar ki, 2011-ci il ölkənin sığorta işi tarixinə dönüş dövrü kimi yazıla bilər. Belə ki, sığorta bazarı yenidən dövr etməyə başlayıb", - Rzayev deyib.
Onun sözlərinə görə, doqquz ayın fəaliyyətinin nəticələri ilin uğurla başa çatması üçün həqiqətən Azərbaycan sığortaçılarına kifayət qədər əsaslar verir.
"2011-ci ilin yanvar-sentyabrında Azərbaycanda sığorta gəlirlərinin ümumi həcmi 165 milyon manat təşkil edib, həmin vəsaitdən 146,5 milyonu sığortaçılar tərəfindən ümumi sığorta növü üzrə, 18,5 milyon manat isə həyat sığortası üzrə toplanıb. Beləliklə də ötən ilin doqquz ayı ilə müqayisədə sığorta bazarında rekord səviyyədə - təqribən 40 faiz sığorta satışının artımı müşahidə edilir və bu da əlbəttə ki, sevindirməyə bilməz", - Rzayev bildirib.
Onun sözlərinə görə, onu da qeyd etmək vacibdir ki, artım 2011-ci ildən istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından yeni icbari sığortanın tətbiq edilməsi hesabına deyil, sığortanın əsas ümumi növləri üzrə əldə edilib.
"Bazarda keyfiyyət dəyişiklikləri baxımından, ilk növbədə, 2011-ci ildə başa çatan Azərbaycanda sığorta sektorunun ümumı sığorta və həyat sığortası seqmentlərinə bölünməsini, eləcə də həyat sığortası üzrə üç yeni ixtisaslaşmış şirkətin formalaşmasını qeyd etmək lazımdır. Həyat sığortası seqmentində istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortanın işə salınmasının tətbiq edilməsi Azərbaycanda həyat sığortaçılarının inkişafına ciddi kömək oldu", - o deyib.
Rzayev dövlətin maliyyə, texniki və hüquqi normativlər üzrə tələblərini yerinə yetirə bilməyən sığortaçılar hesabına çoxdan gözlənilən sığorta bazarının iştirakçılarının ixtisar edilməsi prosesi üzrə inkişafı da qeyd edib.
"Lakin bu sahədə vəziyyət çətin olaraq qalır. Ümumi sığorta üzrə dövlətin 28 lisenziya verdiyi sığorta şirkətlərindən 6-sı 2011-ci ilin doqquz ayı nəticəsində hətta 1 milyona manat sığorta yığımları toplaya bilməyib. Material bazasında və kadr inkişafında investisiya imkanları məhdud olan belə şirkətlər sığorta sənayesini və peşəkar sığortaçını (güclü, etibarlı və peşəkar tərəfdaş) etibardan salır. Beynəlxalq praktika baxımından Azərbaycanın sığorta şirkətlərinin hər biri bu və ya digər formada xarici sığorta bazarlarına təkrar sığorta obyektlərini almaq məqsədilə çıxırlar və bu prosesdə kiçik texniki səhv ümumən Azərbaycan sığortaçıları barədə səhv imic yaradır. Belə hallarda dünya praktikası sığorta şirkətlərinin qarışması və birləşməsi üzrə fəal əməliyyatlar aparmağı məsləhət görür", - Rzayev deyib.
Hazırda Azərbaycanda 28 sığorta şirkəti və 1 təkrar sığorta şirkəti fəaliyyət göstərir. Bununla yanaşı, "Fidan Sığort"aya sığorta fəaliyyəti aparması üçün verilən lisenziyanın fəaliyyəti müvəqqəti dayandırılıb. Azərbaycanda, həmçinin həyat sığortası üzrə üç şirkət - "Atəşgah Həyat", "Qala Həyat" və "Paşa Həyat" fəaliyyət göstərir.
Noyabrın 4-nə olan rəsmi məzənnə 0,7868 AZN/USD təşkil edir.