...

Qara Dəniz Ticarət və İnkişaf Bankı ilə "Unibank" arasında kredit sazişi imzalanıb

Biznes və iqtisadiyyat xəbərləri Materials 29 May 2012 16:18 (UTC +04:00)
Çərşənbə axşamı Qara Dəniz Ticarət və İnkişaf Bankı (QDTİB) və Azərbaycan bankı "Unibank" kiçik və orta biznesin inkişafına dəstək göstərilməsi məqsədilə 5 milyon manat həcmində kredit xəttinin açılması haqqında sazişi imzalayıblar.
Qara Dəniz Ticarət və İnkişaf Bankı ilə "Unibank" arasında kredit sazişi imzalanıb

Azərbaycan, Bakı, 29 may /Trend, müxbir Ə.Həsənov/

Çərşənbə axşamı Qara Dəniz Ticarət və İnkişaf Bankı (QDTİB) və Azərbaycan bankı "Unibank" kiçik və orta biznesin inkişafına dəstək göstərilməsi məqsədilə 5 milyon manat həcmində kredit xəttinin açılması haqqında sazişi imzalayıblar.

"Biz kiçik və orta biznesin inkişafına dəstək göstərilməsi sahəsində "Unibank" ilə əməkdaşlığa çox şadıq", - Trend-in məlumatına görə, bunu QDTİB-in vitse-prezidenti Mustafa Boran imzalanma mərasimində bildirib.

Bu, kiçik və orta biznesin inkişafı üçün QDTİB tərəfindən "Unibank"a ayrılan artıq ikinci kredit xəttidir. İlk kredit 2008-ci ildə 5 milyon manat həcmində ayrılıb. QDTİB, həmçinin 2005-ci ildə "Unibank"a ticarət maliyyələşdirməsi məqsədilə 3 milyon dollar kredit verib.

"Kiçik və orta sahibkarlığın maliyyələşdirilməsi bankımızın əsas fəaliyyət istiqamətlərindən biridir və cari saziş bu sahədə iş yerlərinin açılmasına töhfə verəcək", - "Unibank" ASC-nin İdarə heyətinin sədri Faiq Hüseynov qeyd edib.

Xəbər lenti

Xəbər lenti