Azərbaycan, Bakı, 13 sentyabr /Trend, müxbir A.Axundov/
"Alfa Sığorta" şirkətinin idarə heyətinin tərkibi dəyişib. Bu barədə cümə axşamı Trend-ə şirkətin Direktorlar Şurasının yeni sədri Elşad Əliyev deyib.
Onun sözlərinə görə, şirkət cümə günü idarə heyətinin yeni sədri və üzvlərinin adlarını açıqlayacaq. Daha əvvəl şirkətin idarə heyətinin sədri vəzifəsini İbrahim İbrahimov tuturdu.
"Yeni idarə heyəti qismən Beynəlxalq Sığorta Şirkətinin (BSŞ) mütəxəssislərindən formalaşdırılıb", - Əliyev bildirib.
Qeyd edək ki, buna qədər Elşad Əliyev BSŞ-nin idarə heyətinin sədr müavini olub.
Bu təyinatlar böyük ölçüdə "Alfa Sığorta" və onun təsisçisi "TexnikaBank"ın yeni inkişaf strategiyası ilə şərtlənib. Belə ki, yeni strategiyada infrastrukturun inkişafı, müasir texnologiyalar və korporativ idarə standartlarının tətbiqinə əsas yer ayrılır.