Azərbaycan, Bakı, 19 oktyabr /Trend/
Bakıda saxta sement satışının qarşısı alınıb.
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən Bakı şəhəri, Nərimanov rayonu, Ə.Rəcəbli küçəsi, 1968-ci məhəllədə Samir Məmmədova məxsus mağazada aparılan yoxlama zamanı mənşəyi məlum olmayan sement satıldığı, satışda olan "Qaradağ-L1" adlı M-400 markalı sementin etiketində çəkinin 40kq1kq göstərildiyi halda, bəzi kisələrin faktiki çəkisinin etiket göstəricisindən 5-10% az olduğu müəyyən edilib.
Nazirliyin mətbuat xidmətindən Trend-ə verilən məlumata görə, qanun pozuntusuna yol vermiş təsərrüfat subyektləri barəsində qanunvericilikdə nəzərdə tutulmuş tədbirlər görüləcək.
Araşdırmalar davam edir.