Bakı. Trend:
Küləkli havada dənizə girmək təhlükəlidir.
Bu barədə Fövqəladə Hallar Nazirliyinin gözlənilən küləkli hava şəraiti ilə əlaqədar çimərliklərə üz tutan vətəndaşlara müraciətində bildirilib.
Qeyd olunub ki, iyulun 7-8-də Bakıda və Abşeron yarımadasında gözlənilən küləkli hava şəraiti ilə əlaqədar Fövqəladə Hallar Nazirliyi əhaliyə müraciət edərək, küləkli havada dənizə girməyin təhlükəli olduğunu bir daha xatırladır və vətəndaşları müvafiq təhlükəsizlik qaydalarına ciddi riayət etməyə çağırıb.
FHN təhlükə zamanı 112-yə zəng etməyi tövsiyə edib.
