Azərbaycan, Bakı, 4 fevral / Trend, müxbir A.Tağıyeva/
Səudiyyə Ərəbistanı ilə Azərbaycan arasında əmtəə dövriyyəsi iki dəfə arta bilər. Çünki tərəflər ikiqat vergiqoymadan azad olunması haqqında sazişin imzalanması üzrə razılaşma əldə ediblər. Bu barədə Krallığın Bakıdakı səfiri Fəhd bin Əli əl-Düsəri Azərbaycanda diplomatik missiyasının başa çatması ərəfəsində Trend-ə müsahibəsində bildirib.
"Tərəflərin ikiqat vergiqoymadan azad olunması haqqında yekun hökumətlərarası saziş imzalanarsa, onda artıq gələn ildən iki ölkə arasında əmtəə dövriyyəsinin kəskin artmasını müşahidə etmək mümkün olacaq", - diplomat bildirib.
Bu günə ölkələr arasında birbaşa əmtəə münasibətləri və üçüncü ölkə vasitəsilə həyata keçirilən əmtəə dövriyyəsi mövcuddur. Ölkələr arasında birbaşa əmtəə münasibətləri cəmi 27 milyon dollar təşkil edir ki, bu da ölkələr üçün kifayət qədər azdır.
O qeyd edib ki, üçüncü ölkə vasitəsilə əmtəə dövriyyəsinə gəldikdə, onun həcmi birbaşa münasibətlərdən bir qədər çoxdur.
Üçüncü ölkə vasitəsilə həyata keçirilən əmtəə dövriyyəsinə əsasən Səudiyyə ərəbistanının Avbropa ölkələrinə ixrac etdiyi neft məhsulları daxildir ki, sonuncu onları Azərbaycana təkrar ixrac edir.