Azərabaycan, Bakı, 7 fevral /Trend, müxbir A.Axundov/
Azərbaycanın "Alfa Sığorta" şirkəti cari ilin ortalarınadək adını dəyişməyi planlaşdırır. Bu barədə cümə axşamı Trend-ə şirkətin Direktorlar Şurasının rəhbəri Elşad Əliyev deyib.
2012-ci ilin oktyabrında şirkətin 100 faizlik təsisçisi "Texnikabank" ASC adını "Bank Technique" ASC-yə dəyişib. Ad dəyişikliyi bankın brendinq (addəyişmə) siyasətini yenidən nəzərdən keçirməsi ilə bağlı idi.
Əliyevin sözlərinə görə, yeni ad hələlik seçilməyib, lakin onun təsisçinin adına oxşar olması mütləq deyil, yəni şirkət "Technique Insurance" adlanmayacaq.
