Azərbaycan, Bakı, 5 mart /Trend /
Bakı Fond Birjasında "AtaSığorta" ASC-nin 1 milyon manat dəyərində səhmləri yerləşdirilib. Bu barədə Trend-ə çərşənbə axşamı şirkətdən daxil olan məlumatda bildirilir.
Səhmlərin yerləşdirilməsi ilə şirkətin faktiki ödənilmiş nizamnamə kapitalı 7,6 milyon manata çatdırılıb.
"AtaSığorta" şirkətinin 2012-ci il ərzində topladığı sığorta mükafatalrı 10,85 milyon manat, verilmiş sığorta ödənişləri isə 2,75 milyon manat təşkil edib.
"AtaHolding" Sirkətlər Qrupuna daxil olan AtaSığorta 2004-cü ildən sığorta bazarında fəaliyyət göstərir. Şirkət 22 könüllü və 4 icbari sığorta növü üzrə müştərilərinə xidmət göstərir. İcbari Sığorta Bürosunun təsisçisi və iştirakçısıdır.
"AtaSığorta" ASC-nin xidmət şəbəkəsinə 4 filial və 4 nümayəndəlik daxildir.