Azərbaycan, Bakı, 19 avqust /Trend, müxbir E. Əliyev/
Cari ilin birinci yarısında Azərbaycan Gürcüstandan dəyəri 18,45 milyon dollar olan 249,77 min ton sement idxal edib. Trend-in məlumatına görə, bu barədə Gürcüstan Milli Statistika İdarəsinin saytında dərc olunan hesabatında bildirilir.
Hesabatda bildirilir ki, ilin birinci yarısında bu sahəsinin xüsusi çəkisi Gürcüstandan Azərbaycana edilən ümumi ixracın həcminin 5,54 faizini təşkil edib.
Ötən ilin analoji dövrü ilə müqayisədə Gürcüstandan idxal olunan sementin idxalı 28,48 faiz və ya 53,7 min ton artıb. Müqayisə üçün: 2012-ci ilin yanvar-iyun aylarında Gürcüstandan Azərbaycana 14,36 milyon dollar həcmində diri çəkisi 196,08 min ton olan sement idxal edilib.
Hesabat dövründə, o cümlədən Gürcüstandan Azərbaycana polad armaturunun idxalında da artım müşahidə olunub. Belə ki, 2013-cü ilin birinci yarısında Azərbaycana 17,24 milyon dollar dəyərində 27,52 min ton polad armatur idxal edilib ki, bu da ötən ilin yanvar-iyul aylarında qeydə alınan analoji göstəricidən 15,13 faiz çoxdur. Say nisbətində isə artım 26,875 faiz təşkil edib. Müqayisə üçün: 2012-ci ilin yanvar-iyun aylarında Gürcüstandan Azərbaycana 17,98 milyon dollar həcmində 21,7 min ton sement idxal edilib.
