Azərbaycan, Bakı, 3 sentyabr /Trend, müxbir E.Əliyev/
2013-cü ilin yanvar-iyul aylarında Azərbaycanda pul bazası mütəmadi artım nümayiş etdirib və avqustun 1-nə olan vəziyyətə görə, ölkədə genişləndirilmiş pul bazası10528,8 milyon manat təşkil edib. Trend-in məlumatına görə, bu barədə Azərbaycan Mərkəzi Bankının (AMB) statistik hesabatında deyilir.
AMB-nin məlumatına görə, illik hesablamada pul bazası 16,47 faiz artıb. Müqayisə üçün 2012-ci ilin 7 ayının nəticələri üzrə bu göstərici 9039,6 milyon manat olub.
AMB-nin məlumatına əsasən, 2013-cü ilin avqustun 1-nə pul bazası manatda 10427,6 milyon olub. Ötən ilin müvafiq dövründə bu rəqəm 8940,2 milyon manat təşkil edib.
Hesabat dövründə tədavüldəki pul həcmi 9924,8 milyon manat olub, halbuki 2012-ci il avqustun 1-nə bu göstərici 8458,1 milyon manat təşkil edib.
Öz növbəsində, bank ehtiyatları 579,8 milyon manata bərabər olub ki, bu da ötən ilin iyul ayının nəticələrindən (563,7 milyon manat) 2,86 faiz çoxdur.
2013-cü il avqusutn 1-nə olan vəziyyətə görə, tədavüldəki nağd pul kütləsinin pul bazasına nisbəti 94,3 faiz olub. Ötən ilin müvafiq dövründə bu rəqəm 93,6 faiz təşkil edib.
