Azərbaycan, Bakı, 27 dekabr /Trend, müxbir A.Axundov/
Azərbaycanın İqtisadiyyat və Sənaye Nazirliyi yanında Sahibkarlığa Kömək Milli Fondu (SKMF) 2014-cü ildə 280 milyon manat məbləğində güzəştli kredit verməyi planlaşdırır. Bu barədə Trend-ə Fondun icraçı direktoru Şirzad Abdullayev bildirib.
Bundan əvvəl SKMF maliyyələşmənin həcmini 2013-cü il səviyyəsində, yəni 250 milyon manat həcmində saxlamağı planlaşdırmışdı.
Ş.Abdullayevin sözlərinə görə, Fondun 2014-cü ildə verməyi planlaşdırdığı vəsaitlərdən 130 milyon manat əvvəl verilən kreditlərin qaytarılması, 150 milyon manat isə dövlət büdcəsinin vəsaitləri hesabına formalaşacaq: "Fondun portfelində problemli kredit yoxdur".
