Azərbaycan, Bakı, 9 yanvar /Trend, müxbir A.Axundov/
2013-cü ildə avtonəqliyyat vasitələri sahiblərinin məsuliyyətinin icbari sığortası üzrə sığorta şirkətləri tərəfindən həyata keçirilmiş sığorta ödənişlərinin 23,4 milyon manatadək hissəsi nəqliyyat vasitələrinə dəyən zərərlərin əvəzinin ödənilməsi ilə bağlı olub. Göstərilən dövrdə avtomobillərə dəymiş zərərə görə həyata keçirilmiş sığorta ödənişlərinin orta məbləği 1348 manat olub. Trend xəbər verir ki, bu barədə İcbari Sığorta Bürosunun (İSB) məlumatında deyilir.
İSB-nin iştirakçıları olan sığorta şirkətləri tərəfindən 18,447 sığorta tələbi üzrə 25,3 milyon manatdan çox məbləğdə sığorta ödənişi həyata keçirilib.
Məlumatda bildirilir ki, nəqliyyat vasitələrinə dəyən zərərlərə görə həyata keçirilmiş sığorta ödənişlərinin 58 faizini 1000 manatadək, 30 faizini 1000 manatdan 3000 manatadək, 12 faizini isə 3000 manatdan 5000 manatadək olan ödənişlər təşkil edir.
