Azərbaycan, Bakı, 7 may/Trend, müxbir E. Əliyev/
"Paşa Bank" region ölkələrinə ekspansiyanı davam etdirmək niyyətindədir. Bunu çərşənbə günü jurnalistlərə bankın İdarə Heyətinin sədri Fərid Axundov deyib.
Bankın Gürcüstandakı törəmə bankına gəlincə, F. Axundov deyib ki, o bir ildən çox müddətdir fəaliyyət göstərir: "PASHA Bank Georgia" ilk iş ilini zərərlə başa vurmasına baxmayaraq, tərəfimizdən gözlənilən itkilərin həcmi iki dəfə az olub. Buna görə də dinamikanı müsbət hesab etmək olar və biz Gürcüstanda biznesin inkişafı üzrə işi davam etdirmək niyyətindəyik".
"Paşa Bank"ın baş maliyyə administratoru Şahin Məmmədovun sözlərinə görə, Gürcüstandakı törəmə bank inkişaf etməyə davam edir: "Bu inkişafı sürətləndirmək üçün bankın kapitalı 103 milyon lariyə (58,2 milyon dollardan biz az çox) çatdırılıb. Nəticədə "PASHA Bank Georgia" Gürcüstanın ən iri 10 bankı sırasına daxildir".